Laba diyaaradood oo aan duuliye lahayn oo “isku dayay inay weeraraan” warshadda saliidda ee Ras Tanura ayaa la qabtay oo la burburiyay, sida ay sheegtay Wasaaradda Difaaca Sacuudi Carabiya, ayna ku warantay wakaaladda wararka ee SPA.
Dab “yar” ayaa qarxay ka dib markii burburkii uu dhacay intii lagu jiray hawlgalka, iyadoo intaas ku dartay inaysan jirin wax khasaare ah oo soo gaaray dad rayid ah.
Telefishinka dowladda Sacuudiga ayaa sheegay in mas’uuliyiintu ay si ku meel gaar ah u xireen warshadda sifeeynta Saliidda ee Ras Tanura ee u dhow Dammam ka dib markii la weeraray diyaaradaha aan duuliyaha lahayn.
