Guddiga caalamiga ee garsoorayaasha ee (ICJ ) laantiisa Kenya ayaa soo dhaweeyay go’aankii Isniintii ay maxkamadda sare ee dalka waxba kama jiraan uga soo qaaday tallaabadii uu madaxweynaha wadanka William Ruto uu 22-kii bishii Saddexaad ee sanadkan ku soo magacaabay xoghayeyaasha maamulka sare ee wasaaradaha oo gaaraya 50.
Guddoomiyaha ICJ -Kenya ,Protas Saende ayaa sheegay in go’aanka saddexda garsoorayaal uu xoojinaya u hoggaansanka xeerarka dastuuriga ah.
Waxaa uu dhanka kale guddiga adeegga dadweynaha ee PSC ugu baaqay inuu xalliyo dhaliisha loo jeediyay ee ahayd inuu ku fashilmay gudashada waajibaadkiisa shaqo.
Waxaa magacaabidda 50-ka mas’uul sharci darro ku tilmaamay xaakinnada kala ah Kanyi Kimondo, Hedwig Ong’udi iyo Aleem Visram.
"As a Commission of Jurists, we welcome the recent judgment by the High Court on Petition 080 of 2023, declaring the position of Cabinet Administrative Secretary as unconstitutional. This landmark ruling reaffirms the principles of constitutionalism and upholds the integrity of… pic.twitter.com/YT4mTiKD8B
— ICJ Kenya (@ICJKenya) July 5, 2023
