Dowladda Boqortooyada Ingiriiska ayaa qorshaynaysa inay racfaan ka qaadato go’aan ay Maxkamadda Sare ku sheegtay in mamnuucidda lagu soo rogay kooxda Palestine Action ay sharci darro ahayd. Dhageysiga racfaanka oo socon doona laba maalmood ayaa ka furmaya Maxkamadda Racfaanka ee London.
Go’aankii hore ee maxkamadda ayaa lagu tilmaamay in tallaabada lagu daray kooxda liiska argagixisada ay ahayd mid aan ku habboonayn, isla markaana ka baxsan xeerarka u dhigma. Arrintan ayaa noqotay muran sharci oo u dhexeeya dowladda iyo shabakadda dhaqdhaqaaqa ee beegsata shirkadaha lala xiriiriyo milatariga Israa’iil.
Tan iyo markii kooxda la mamnuucay xagaagii hore, kumannaan qof oo u dhashay Ingiriiska ayaa sameeyay bannaanbaxyo iyo falal diidmo rayid ah, iyadoo in ka badan 2,700 qof lagu xiray sharciyada la dagaallanka argagixisada ka dib markii ay muujiyeen taageeradooda kooxda.
Inkasta oo go’aanka Maxkamadda Sare uu dhabar jab ku noqday dowladda, mamnuucidda kooxda ayaa weli taagan inta lagu jiro racfaanka.
