Ciidanka Booliska Qaranka ayaa ka warbixiyay xaaladihii ugu dambeeyay ee roobabkii dalka ka da’ay.
Ilaa hadda, wadarta guud ee 10 qof ayaa naftooda ku waayay, iyadoo tirada ugu badan – 7 dhimasho ah – laga soo sheegay gobolka Bari.
Intaa waxaa dheer, laba buundo oo kala ah Mwena oo ku taal Kwale, Gobolka Xeebta, iyo Ngomeni oo ku taal Kitui, Gobolka Bari – ay waxyeello soo gaartay, taasoo carqaladeysay gaadiidka.
Dhul go ayaa sidoo kale laga soo sheegay Degmada Hoose ee Tambach, Elgeyo Marakwet, taasoo khatar dheeraad ah ku ah dadka deegaanka iyo kaabayaasha dhaqaalaha.
Kooxaha gurmadka degdegga ah ayaa si firfircoon uga howlgalaya dhulalka ay roobabka saameeyeen iyagoo sameynaya hawlgallo samatabbixin ah, iyagoo caawinaya bulshooyinka ay dhibaatadu saameysey, waxayna ka shaqeynayaan sidii loo soo celin lahaa marin u helidda iyo adeegyada muhiimka ah.
Adeegga Booliiska oo kaashanaya hay’adaha ay khuseeysa, ayaa si buuxda uga go’an ilaalinta nolosha iyo bixinta taageero meelaha loo baahdo.
Waxaan ku boorinaynaa dhammaan dadka, gaar ahaan kuwa ku sugan meelaha khatarta sare leh iyo kuwa ay dhibaatadu saameysey, inay feejignaadaan, ka fogaadaan meelaha ay fatahaaduhu saameeyeen, ay dhegeystaan tallooyinka ka imanaya mas’uuliyiinta maxalliga ah, oo ay la socdaan Waaxda Saadaasha Hawada ee Kenya ayaa lagu yiri Bayaanka Ciidamada Booliiska.
