Wasiirka Arrimaha Dibadda Iran, Abbas Araghchi, ayaa wada-hadallo la yeeshay dhiggiisa Shiinaha, Wang Yi, iyagoo ku kulmay magaalada Bishkek ee caasimadda Kyrgyzstan, xilli uu ka socotay shir-madaxeedka Ururka Iskaashiga Shanghai (SCO).
Sida lagu sheegay kanaalka Telegram-ka ee wasiirka Iran, labada mas’uul ayaa ka wada hadlay arrimo la xiriira xiriirka labada dal iyo xaaladda gobolka.
Shiinaha ayaa sheegay inuu ilaalin doono danihiisa, kaddib markii Washington ay soo bandhigtay qorshayaal cusub oo loogu talagalay “ceejinta dhaqaale” ee Iran, oo ah dal ay Beijing xiriir dhaqaale la leedahay.
Maraykanka ayaa kordhiyay hanjabaadaha cunaqabateynaha labaad, isaga oo dowladaha dunida ku boorriyay inay ku biiraan ololihiisa dhaqaale ee ka dhanka ah Iran.
Beijing ayaa dhankeeda ku baaqday xabbad-joojin, iyadoo ku adkaysanaysa in cunaqabateynaha Maraykanku aanay xal u noqon doonin colaadda lixda bilood socotay.
