Wakaaladda wararka ee Tasnim ee Iran ayaa sheegtay in madaxda Iran ay heleen warqad uu soo diray madaxweyne ku-xigeenka Mareykanka, JD Vance.
Wakaaladdaas wararka ee xiriirka dhow la leh dowladda ayaa sheegtay in madaxweyne ku-xigeenka Mareykanku uu warqadda u diray xoghayaha Golaha Sare ee Amniga Qaranka Iran, isla markaana Iran aysan weli ka jawaabin.
“Iran waxay ku adkaysanaysaa in Mareykanku fuliyo toddobada shuruudood ee ay dejisay. Mawqif kasta oo wiiqaya qaabkan adag ee ay Iran dejisay waa mid aan la aqbali karin,” ayay Tasnim intaas ku dartay.
Warbaahinta Mareykanka ayaa hore u sheegtay in Vance uu warqad u qoray Mohsen Rezaei, oo ah madaxa amniga Iran, si uu isku daygii ugu dambeeyay ugu sameeyo dib u bilaabista wada-hadallada nabadda.
Madaxweyne Trump ayaa shalay beeniyay wararkaasi, inkastoo uu qiray in Vance uu xiriir la sameeyay saraakiil Iranian ah oo aan magacyadooda la shaacin. Hase yeeshee, Trump wuxuu sheegay in xiriirkaasi uu ku saabsanaa sahay caafimaad, isaga oo aan faahfaahin dheeraad ah bixin.
