Wadahadallo u dhexeeya Iiraan iyo Mareykanka ayaa lagu wadaa inay Jimcaha ka dhacaan dalka Cumaan.
Dhex dhexaadiyayaal ka socda Qatar, Turkiga iyo Masar ayaa labada dhinac u soo bandhigay qaab dhismeed ay ku jiraan qodobo muhiim ah oo lagu gorfayn doono inta lagu jiro wadahadallada.
Wadahadalladan ayaa imaanaya iyadoo gobolka uu wajahayo cabsi ku saabsan weerar Mareykan oo suurtagal ah, ka dib markii madaxweynaha Mareykanka Donald Trump uu amray in ciidamo la geeyo Badda Carabta, ka dib markii Iiraan ay si xooggan uga jawaabtay mudaharaadyo ka dhacay dalkaas bishii la soo dhaafay.
Mas’uuliyiinta gobolka ayaa sheegay in wadahadalladan ay muhiim u yihiin xasilinta xiisadda ka jirta gobolka iyo ka hortagga khilaaf weyn oo u dhaxeeya labada dal.
