Adeegga Qaran ee Booliiska (NPS) ayaa mar kale ku adkaysay go’aankeeda ah in la xoojiyo iskaashiga ay la leedahay Ciidanka Degdegga ee Bariga Afrika (EASF) si kor loogu qaado nabadda iyo ammaanka gobolka.
Taliyaha Guud ee Booliiska, Douglas Kanja, ayaa ballanqaadkan sameeyay Arbacadii markii uu xafiiskiisa ee xaruunta Jogoo House ee magaalada Nairobi ku qaabilay wafdi ka socday EASF. Kanja ayaa ku celceliyay diyaar garowga adeegga NPS ee taageeridda mashaariicda wadajirka ah, barnaamijyada tababarka, iyo howlgallada nabad ilaalinta ee isuduwidda ah ee hoos yimaada EASF, isagoo adkeeyay muhiimada ay leedahay dadaallada wadajirka ah ee ammaanka si loola tacaalo hanjabaadaha cusub iyo kuwa ka yimaada xuduudaha.
Wafdiga ayaa waxaa hoggaaminayay Agaasimaha EASF, Sareeye Guuto Paul Kahuria Njema. EASF, oo la aasaasay 2004, ayaa ah hay’ad goboleed oo u xilsaaran kor u qaadidda nabadda iyo ammaanka Bariga Afrika, waxaana xubnaha ka mid ah Kenya, Burundi, Comoros, Djibouti, Itoobiya, Rwanda, Soomaaliya, Suudaan, iyo Uganda.
Kanja ayaa kulanka ku adkeeyay doorka muhiimka ah ee iskaashiga gobolka ee lagula dagaallamayo caqabadaha ammaanka ee isbeddelaya iyo ilaalinta xasiloonida xuduudaha. Sareeye Guuto Njema ayaa dhankiisa sheegay in kulankan uu qayb ka yahay Qorshaha Istiraatiijiga ah ee EASF 2026–2030, gaar ahaan Tiirka 3-aad ee diiradda saaraya iskaashiga istiraatiijiga ah iyo horumarinta nabadda iyo ammaanka.
Labada dhinac ayaa sidoo kale ka wada hadlay tallaabooyinka lagu xoojinayo awooda hay’adaha iyo sidii loo adkeyn lahaa waara nimada EASF iyada oo loo marayo tababaro iyo barnaamijyo kale oo dhisaya awoodda shaqada, si loo horumariyo diyaar garowga howlgallada.
