Madaxweynaha dalka William Ruto ayaa dadweynaha ku boorriyay in ay feejignaadaan xilli fasaxeedka Christmas ee lagu guda jiro.
Xilli uu maanta munaasabad kaniiseed uga qayb galay ismaamulka Narok ayuu hoggaamiyaha qaranka hoosta ka xarriiqay in cid kasta laga doonaya inay muujiso habdhaqan wanaagsan si looga badbaado dhacdooyinka shilalka.
Madaxweynaha ayaa dhanka kale waalidiinta kula taliyay in ay door firfircoon ka qaataan hagidda carruurtooda.
Waxaa uu sheegay in qoysaska looga baahan yahay xaqiijinta in da’yarta aan lagu duufsan isticmaalka maandooriyaha.
Baaqa madaxweynaha ayaa ku soo aadaya iyadoo maalmihii ugu dambeeyay ay gudaha waddanka ka dhaceen shilal sababay dhimasho iyo dhaawac.
Waxaa sanad kasta Kenya shilal ugu geeriyooda ugu yaraan 4,000 oo qof.
