Musharraxa xilka guddoomiyaha ismaamulka Nairobi ee xisbiga UDA Margaret Wanjiru ayaa da’yarta ku boorisay inaynan rabshad sameyn xilliga la qabanaya doorashada ku celiska ah.
Waxaa uu qorshuhu yahay in 18-ka bisha labaad ee sanadkan ay qabsoonto codeyn lagu soo xulanaya mas’uul buuxiya xilkii laga qaaday Mike Sonko.
Margaret Wanjiru ayaa dhanka kale sheegtay in shalay uu jiray iskuday ku aaddan in rabshado ay ka dhacaan xarunta dhexe ee xisbiga UDA ee magaalada Nairobi.
Haweeneydan ayaa xustay in falkaas ay soo abaabuleen dad aynan magacaabin balse ay tilmaantay inay siyaasad ahaan isku hayaan.
Waxay dhallinyarada kula talisay inaynan marnaba oggolaan in si aan habbooneyn loo adeegsado.
Dhallinyarada Nairobi oo loogu baaqay inay si nabad ah ku codeyaan
