Wasiirka wasaaradda arrimaha gudaha iyo maamulka qaran Prof. Kithure Kindiki ayaa sheegay in dowladda dhexe aynan marnaba ka laaban doonin howlgallada lagula dagaallamaya soo saaridda , qaybinta, ka ganacsiga iyo isticmaalka maandooriyaha.
Kindiki ayaa xusay in khamriga sharci darrada ah iyo noocyada kale ee balwadda ay saameyn ku yeesheen ismaamullada dalka.
Waxaa uu hoosta ka xarriiqay in caqabadda ka taagan bartamaha wadanka ay tahay halis amni oo aad u daran kana khatarsan argagixisannimada.
Wasiirka ayaa carrabka ku adkeeyay in maandooriyaha loola dagaallami doono si la mid ah burcadnimada iyo kooxaha argagixisada ah.
The manufacture, trade, use, and abuse of illicit alcohol and narcotic drugs in Central Kenya and other parts of the Country is a serious security threat. We risk losing an entire generation. The Government will not backtrack in this fight and will deploy equal, if not more… pic.twitter.com/ayb7P1PlLS
— Kithure Kindiki (@KindikiKithure) June 18, 2023
Kithure Kindiki oo arrimahan ka hadlay xilli uu ku sugnaa deegaanka Maragua ee ismaamulka Murang’a ayaa dhanka kale baadariyaasha kaniisadaha ugu baaqay inay dowladda garab ku siiyaan sidii meesha looga saari lahaa shakhsiyaadka faafinaya caqiidooyinka halista ah isagoo tusaale u soo qaatay meydadka laga helay keynta Shakahola ee ismaamulka Kilifi.
