Waxaa maanta si rasmi ah guud ahaan dalka uga billowday imtixaannada qaran ee fasalka siddeedaad ee dugsiyada hoose dhexe ee loo yaqaano KCPE-da.
Sidoo kale waxaa maanta si rasmi ah u billowday imtixaannada qaran ee ardayda heerka 6-aad ee dugsiga hoose dhexe ee KPSEA.
Sanadkan waxaa imtixaanka KCPE sameynaya arday tiro ahaan dhan 1,244,188, halka KPSEA ay u fadhiisanayaan 1,287,597.
Ardayda maanta KCPE-da u fadhiisaneyso ayaa sameynaya imtixaanka sanad dugsiyeedka 2022-ka.
Ardayda heerka 6-aad ee dugsiga hoose dhexe ee KPSEA ayaa sanadka dambe gudbaya heerka koowaad ee dugsiga sare, iyagoo la jaanqaadaya manhajka cusub ee waxbarashada ee CBC.
Waxaa ardayda fasalka 8-aad ee KCPE-da ay maanta sameynayaan imtixaannada maadooyinka Xisaabta, Ingiriisiga iyo Composition.
Ardayda heerka 6-aad ee dugsiga hoose dhexe ee KPSEA ayaa ayagana u fadhiisanaya maanta maadooyinka kala ah Xisaabta iyo Ingiriisiga.
EDUCATION Cabinet Secretary Hon. Ezekiel Machogu kick starts the distribution of Day 1 #KCPE2022 & #KPSEA2022 exam papers at Mombasa DCC container. The CS has assured the public that exams are secure in all 493 containers across the country. #EducationReforms pic.twitter.com/219fETQxVH
— EduMinKenya (@EduMinKenya) November 28, 2022
