Ciidamada booliska ee dalka Ruushka ayaa gacanta ku dhigay ugu yaraan 450 qof oo ka qayb qaatay dibadbaxyo maanta ka dhacay gobolka Siberia iyo bariga fog ee wadankaas.
Taagerayaasha Alexei Navalny oo dhaliila dowladda Vladimir Putin ayaa dhigay mudaharaadyo ay ku dalbanayaan in ninkan xabsiga laga siidaayo.
Sidoo kale waxaa uu qorshuhu yahay in galinka dambe ee maanta ay dibadbaxyada ka dhacaan magaalada Moscow iyo degmooyinka kale.
17-kii bishan ayay ahayd markii la xiray Alexei Navalny ka dib markii uu ka soo laabtay dalka Jarmalka.
Waxaa uu madaxweyne Putin ku eedeyay in uu amar ku bixiyay in la dilo tani oo ay dowladda Ruushka iska fogeysay.
Ilaa iyo hadda waxaa xabsiga la dhigay ugu yaraan 4,000 qof oo dibadbaxayaal ah sida laga soo xigtay ururka OVD-Info oo dabagal ku sameeya mudaharaadyada.
