Adeegga Booliska Qaranka (NPS) ayaa bilaabay baaritaan gudaha ah oo ku saabsan dhacdo lagu duubay muuqaal baraha bulshada ah oo si weyn ugu faafay kaasi oo muujinaya sida aan habboonayn ee loola dhaqmay nin naafo ahaa oo ka qeyb qaadanayay dibadbixii khamiistii intii lagu jiray sannad-guuradii 25-ka Juun ee Gen Z kaasi oo ka dhacay Nakuru.
War-saxaafadeed uu xalay soo saaray Afhayeenka NPS Muchiri Nyaga ayaa sheegay in Adeeggu uu fiiro gaar ah u yeeshay muuqaalka, kaas oo dhaliyay walaac dadweyne, isla markaana cambaareeyay dhammaan noocyada dhaqanka aan xirfadda lahayn, isticmaalka xad-dhaafka ah ee xoogga ku salaysan , iyo jebinta habraacyada booliiska ee la aasaasay.
NPS waxay ku tilmaantay dhaqanka “mid aan la aqbali karin” waxayna sheegtay inay ka soo horjeedo qiimayaasha asaasiga ah ee Adeegga.
Ilaaliyaha Guud ee Booliska Douglas Kanja ayaa tan iyo markaas faray Waaxda Arrimaha Gudaha inay sameeyaan baaritaan dhammaystiran, xirfad leh oo dhexdhexaad ah oo ku saabsan dhacdada oo ay soo gudbiyaan natiijooyinkooda toddobo maalmood gudahood.
