Wasiirka Arrimaha Dibadda ee Australia, Penny Wong, ayaa ku baaqday in Maraykanka iyo Iiraan ay ilaaliyaan xabbad joojinta isla markaana dib ugu laabtaan miiska wadahadallada.
Wong ayaa sheegtay in ay niyad jab ku tahay in wadahadalladii Islamabad ee u dhexeeyay Maraykanka iyo Iiraan ay ku dhammaadeen is afgarad la’aan, iyadoo xustay in mudnaanta hadda la siinayo sii wadista xabbad joojinta iyo dib u bilaabidda wadahadallada.
Waxaa ay intaa ku dartay in Australia ay weli doonayso in si degdeg ah xal looga gaaro xiisadda taagan, si loo yareeyo saameynta ay ku yeelan karto dadka rayidka ah iyo xasilloonida caalamka.
Sidoo kale, Wong ayaa ka digtay in xiisad kasta oo sii kororta ay horseedi karto khasaare bani’aadannimo oo badan iyo saameyn taban oo ku timaadda dhaqaalaha caalamka.
