Hay’adda Duulista Rayidka ee Iran ayaa ku dhawaaqday in Iran ay si qayb ahaan ah dib ugu furtay hawadeeda, gaar ahaan qaybta bari ee dalka, si ay u maraan duulimaadyada caalamiga ah ee transit-ka ah.
Hay’addu waxay sheegtay in “marinnada hawada ee ku yaalla qaybta bari ee hawada Iran ay u furan yihiin duulimaadyada caalamiga ah ee sii maraya Iran,” iyadoo intaas ku dartay in qaar ka mid ah garoomada diyaaradaha dib loo furay 7:00 subaxnimo.
In ka badan saddex saacadood kadib ku dhawaaqistaas, bogagga raadraaca duulimaadyada ayaa muujiyay in hawada Iran aysan ku jirin wax duulimaadyo caalami ah oo sii maraya, halka diyaarado kale ay qaateen wadooyin dheer oo kale si ay uga fogaadaan inay maraan hawada Iran.
