Mas’uuliyiinta Israa’iil ayaa si isdaba joog ah u sheegay in ayan u arkin xuduudaha Lubnaan iyo Iiraan inay isku xiran yihiin. Waxaa ay hore u sheegeen in marka uu dhammaado dagaalka Iiraan, ay awoodi doonaan inay mudnaanta siiyaan oo diiradda saaraan Lubnaan.
Shacabka Lubnaan qaar yar ayaa aaminsan niyadda Israa’iil. Ilaa subaxnimadan maanta, weli wax jawaab ah lagama maqal kooxda Xisbullah.
Waxaa sidoo kale loo baahan yahay caddeyn ka timaadda Iiraan, maadaama Iiraan ay si cad u sheegtay tan iyo bilowgii xiisadda in heshiis lagu joojiyo dagaalka uu khuseeyo guud ahaan gobolka. Jawaabta Iiraan ee qorshaha nabadda Trump waxaa ku jiray dalab lagu joojiyo weerarrada ka dhanka ah Lubnaan.
