Madaxweynaha dalka William Ruto ayaa dhaleeceeyay hoggaamiyaha xisbiga Wiper Kalonzo Musyoka oo uu ku tilmaamay inuu wiiqayo mashaariicdiisa horumarineed, gaar ahaan mashruucii dhawaan ee ganacsiga dhalinyarada ee NYOTA.
Ruto, oo guddoominayay barnaamijka Nyota ee dhalinyarada ka soo jeeda ismaamulada Murang’a, Kirinyaga, Nyeri iyo Nyandarua ee garoonka Kabiru-ini ee Nyeri, ayaa ka codsaday Kalonzo inuu u sharaxo dhalinyarada waxa uu u qabtay markii uu ahaa Madaxweyne ku xigeenka.
Madaxweynuhu wuxuu sidoo kale sii waday inuu difaaco siyaasadaha iyo mashaariicda dowladdiisa, isagoo ku tilmaamay inay tahay hormuudka hubinta fursadaha shaqo ee dhalinyarada dalka, iyo xitaa dibadda.
Madaxweyne Ruto iyo ku xigeenkiisa Kithure Kindiki iyo xulafadiisa ayaa si wadajir ah uga hadlay barnaamijkan.
Madaxweyne Ruto ayaa dhinaca kale carrabka ku dhuftay in Barnaamijka lacag siinta dhalinyarada loogu talagalay dadka dadaalka badan muujinaya.
