Guddoomiyaha dowladda dhexe ku matalo ismaamulka Mombasa Maxamad Nuur Xasan ayaa soo saaray digniin adag oo ka dhan ah faraxumeynta lagula kaco wiilasha iyo gabdhaha yaryar.
Waxaa uu sheegay in cidii falalkan lagu helo laga qaadi doono tallaabo adag oo sharciyeed.
Tani ayaa imaanaysa iyadoo guddi uu madaxweynaha qaranka William Ruto u xil saaray inuu baaritaanno ku sameeyo xadgudubyada iyo dilalka ka dhanka ah haweenka uu kulamo ku qabanaya Mombasa.
Ann Ireri oo xubin ka ah guddigan ayaa sheegtay in tacaddiga noocani ah uu weli ka dhex jiro bulshada.
Wakiilka haweenka ee ismaamulka Mombasa Zamzam Mohamed ayaa dhankeeda xustay in loo baahan yahay in la dejiyo xeer gaar ah oo lagula tacaalaya dilalka ka dhanka ah dumarka iyo ku xadgudubka carruurta.
