Wasiirka Arrimaha Dibadda ee Iiraan, Abbas Araghchi, ayaa bogaadiyey dedaallada dhex-dhexaadinta ee Field Marshal Asim Munir, oo ah taliyaha ciidanka Pakistan, kadib kulan ay wada qaateen saaka.
Labada hoggaamiye ayaa ka wada hadlay “horumarkii ugu dambeeyay ee la xiriira xabbad-joojinta” u dhexaysa Maraykanka iyo Iiraan “iyo iskaashiga lagu xoojinayo nabadda iyo xasilloonida gobolka Galbeedka Aasiya,” sida lagu sheegay bayaan ay baahisay wakaaladda wararka ee Iiraan ee Tasnim.
Araghchi ayaa ammaanay dowladda Pakistan, gaar ahaan Field Marshal Asim Munir, doorkooda ku aaddan hirgelinta xabbad-joojinta iyo soo afjaridda dagaalka wuxuuna la wadaagay aragtida iyo qodobada Iiraan ee ku aaddan arrintan, ayaa lagu yiri bayaanka.
Dhinaca kale, Munir ayaa ku dhawaaqay diyaar-garowga dalkiisu u qabo inuu sii wado dedaallada dhex-dhexaadinta ee Pakistan ilaa laga gaarayo natiijo, ayaa lagu soo gabagabeeyay bayaanka.
