Ra’iisul Wasaarihii xilka laga tuuray ee dalka Bangladesh ,Sheikh Hasina ayaa lagu xukumay 21 sano oo xabsi ah.
Tani ayaa timid ka dib markii lala xiriiriyay musuqmaasuqa mashruuc lagu bixiyey dhulal dowladeed.
Maxkamadda ayaa maanta Sheikh Hasina ku caddeysay in ay si sharci darro ah ku heshay dhulalka xaafad ka tirsan magaalada Dhaka.
Dhulalkan ayaa si aan nidaam ahayn loogu qoondeeyay iyada iyo xubnaha qoyskeeda.
Toddobaadkii hore ayay ahayd markii haweeneydan lagu xukumay dil loo maraya daldalaad ka dib markii lagu helay in ay amartay howlgallo ka dhan ahaa kacdoonkii ardayda ee sanadkii hore ee horseeday in ay xafiiska banneyso.
Waxaa howlgalladaasi ka dhashay dembiyo ka dhan ah xuquuqul aadanaha.
