Midowga Afrika AU ayaa cambaareeyay weerarrada hubeysan ee ka dhacay guud ahaan dalka Mali, iyadoo uga digay halista ay ku hayaan dadka rayidka ah iyo xasilloonida dalka.
Guddoomiyaha Guddiga Midowga Afrika, Mahmoud Ali Youssouf, ayaa si dhow ula socda xaaladaha ka dhashay weerarrada la soo sheegay ee ka dhacay caasimadda Bamako iyo magaalooyin kale, sida lagu sheegay bayaan ka soo baxay ururka.
Rabshadaha ayaa khatar gelinaya in dadka rayidka ah ay soo gaaraan waxyeellooyin ba’an, ayuu yiri Youssouf oo lagu soo xigtay bayaanka, isagoo mar kale ku celiyay sida Midowga Afrika uga go’an tahay horumarinta nabadda, amniga, maamul wanaagga iyo xasilloonida dalka Mali.
Waxa uu sidoo kale muujiyay garab istaag buuxa oo uu la garab taagan yahay shacabka reer Mali, ciidamada ammaanka iyo maamulka dalka.
