Madaxweyne Donald Trump ayaa sheegay in ciidamada Mareykanka ay “cirib-tireen” bartilmaameedyada ciidamada Iran ee ku sugan Jaziirada Kharg, oo ku taal xeebta koonfur-galbeed ee Iran, wuxuuna ka digay kaabayaasha saliidda in la weeraro.
Saraakiisha Ciraaq ayaa sheegay in helipad ku sugnaa safaaradda Mareykanka ee Baqdaad lagu weeraray gantaal, sida ay ku warrantay wakaaladda wararka ee AP.
Weriyaha Aljazeera ee Tehran ayaa sheegaya in “qaraxyo waaweyn” ay gilgileen bartamaha Tehran ka dib markii kumannaan kun ay isugu soo baxeen caasimadda Iran iyagoo muujinaya taageerada ay u hayaan Falastiiniyiinta iyo iska caabinta weerarada Mareykanka iyo Israa’iil.
Duqeymaha Mareykanka iyo Israa’iil ayaa waxa ay Iran ku dileen ku dhawaad 1,450 qof tan iyo markii uu dagaalku billowday 28-kii February, halka Israa’iil ay weerar ku qaaday xarun caafimaad oo ku taalla koonfurta Lubnaan ay ku dishay 12 dhaqaatiir ah, iyadoo dhimashadu ay gaartay 773 qof oo ay ku jiraan 103 carruur ah.
Waddamada gobolka Khaliijka oo ay ku jiraan Qatar iyo Baxrayn ayaa soo saaray digniino ku aaddan daad gureynta, iyadoo Iran ay sii waddo weerarada gantaallada iyo kuwa aan duuliyaha lahayn.
