Hay’adda ka hortagga tahriibinta maandooriyaha ,iyo baarayaasha ka socda Qaybta Dembiyada Abaabulan ee Caalamiga ah (TOCU) iyo Qaybta La-dagaallanka Maandooriyaha (ANU) ayaa xiray nin ku sugnaa magaalada Kasarani ka dib markii lagu helay Maandooriye xili uu iska dhigayay nin iibiya Hilibka.
Tuhmanaha oo lagu magacaabo Paul Mwangi Karanja, oo ka shaqeeynayay East Hillowary ee aagga Marurui, ayaa la qabtay ka dib markii baarayaashu ay ku dhaqaaqeen xog sirdoon la aamini karo oo muujinaya in goobta loo isticmaalay sidii meel lagu iibiyo xashiishadda.
Dambi baarayaasha ayaa soo helay daroogo badan oo la isticmaalay, oo ay ku jiraan 81 duub oo xashiish ah.
Intii ay socotay hawlgalka, baarayaashu waxay sidoo kale xireen nin waday gaari xamuul ah, oo lagu magacaabo Willinton Nadwa, kaasoo lagu qabtay isagoo gacanta ku haya 14 duub oo xashiish ah.
Dhammaan tuhmanayaasha hadda waxay ku jiraan xabsiga, iyagoo sugaya baaritaan maxkamadeed. Maandooriyaha la soo helay ayaa la xaqiijiyay inay yihiin kuwo la soo bandhigay.
Hay’adda Baarista Dambiyada (DCI) waxay weli ka go’an tahay la dagaallanka ka ganacsiga maandooriyaha iyada oo loo marayo hawlgallo ay sirdoonku hoggaaminayaan oo ka socda dalka oo dhan si loo burburiyo shabakadaha daroogada loona ilaaliyo amniga bulshooyinka.
