Jaamacadda Carabta ayaa cambaareysay weerarrada joogtada ah ee Israel ku hayso Lubnaan, iyadoo ku tilmaantay duqeymihii Sabtidii lagu dilay 11 qof “xaalad halis ah oo sii xumaanaysa, taasoo khatar ku ah dadaal kasta oo lagu doonayo in lagu soo afjaro colaadda taagan.”
Afhayeenka Jaamacadda Carabta ayaa sheegay in siyaasadaha iyo tallaabooyinka Israel ay “si cad u muujinayaan ujeeddada gumeysiga ee ah in la dheereeyo iska horimaadyada, la carqaladeeyo wadaxaajoodyada, lana abuuro xaalad cusub oo dhulka ah, taasoo gebi ahaanba aan la aqbali karin lana diiddan yahay.”
Afhayeenku wuxuu sidoo kale ka digay in colaadda ay ku fidi karto dalal kale haddii beesha caalamka, gaar ahaan Washington, aysan joojin waxa uu ku tilmaamay “mashiinka dagaalka” ee Israel, isla markaana aysan ku qasbin inay u hoggaansanto Qaraarka Golaha Ammaanka ee Qaramada Midoobay ee tirsigiisu yahay 1701.
Qaraarkaasi oo la ansixiyay 2006-dii, wuxuu ku baaqayaa in si buuxda loo joojiyo colaadda u dhexeysa Israel iyo Xisbullah, iyadoo si degdeg ah loo soo afjarayo dhammaan weerarrada Xisbullah iyo dhammaan hawlgallada militari ee weerarka ah ee Israel.
Dowladaha Lubnaan iyo Iran ayaa sidoo kale hore u cambaareeyay duqeymihii Sabtidii.
