Hay’adda Caafimaadka Adduunka ee WHO ayaa sheegtay in ay ka qoomameynaysa go’aankii uu madaxweynaha Maraykanka Donald Trump ku shaaciyay in ay isaga baxeen hay’addan.
Waxay hay’addu sheegtay in ay diyaar u tahay wada hadal furan oo lagu xallinaya ismari waaga jira.
Sanadkii 2020-kii ayay ahayd markii uu Donald Trump ku hanjabay in Maraykanka uu soo afjari doono ka mid ahaanshaha WHO oo uu ku dhaliilay in aynan sida habboon u maareyn cudurkii COVID-19 sidaasi awgeedna ay tahay in lala xisaabtamo.
Maraykanka ayaa Hay’adda Caafimaadka Adduunka ee WHO si wayn u taageerayay tan iyo sanadkii 1948 xilligaasi oo uu xubin ka noqday.
