Madaxweyne ku xigeenka dalka Prof. Kithure Kindiki ayaa wacad ku maray in dowladdu ay si wayn ula dagaallami doonto in orodyahaannada ay isticmaalaan daawooyin u fududeyn kara in ay tartamada ku guulaystaan.
Waxaa uu sidoo kale xusay in lala tacaali doono tacaddiga ka dhanka ah orodyahaannada.
Kindiki ayaa cadowga ugu wayn ee guulaha ay Kenya ka soo hooyso tartamada orotanka ku sheegay shakhsiyaadka ka ganacsado daawooyinkan.
Waxaa uu tilmaamay in dowladdu ay mowqif adag ka qaadatay arrintan si wayna ay ula dagaallami doonto dadka iyagoo eegaya dano ganacsi dhaawacaya sumcadda Kenya ee dhanka orotanka.
