Waxaa lagu soo warramayaa in mid ka mid ah basaska shirkadda Modern Coast uu dab qabsaday.
Baska waxaa saarnaa 23 rakaab ah oo uu ku jiro darawalkii baaburka waday.
Wararka ayaa intaasi ku daraya in la soo badbaadiyay dhammaan rakaabkii saarnaa baska.
Baska ayaa dab uu ku qabsaday deegaanka Gilgil, gaar ahaan waddada weyn ee xiriirisa ismaamullada Nairobi iyo Nakuru.
Taliyaha booliiska ee deegaanka Gilgil Winstone Mwakio ayaa laga soo xigtay in dhacdadan la soo tabiyay abbaare 10-kii barqanimo ee maanta.
Waxaa uu xusay in rakaabkii baska saarnaa aysan waxyeello soo gaarin.
Mwakio ayaa sheegay in aan la ogeyn waxa sababay in baska uu dab qabsado.
Baska oo saaka ka ambabaxay magaalada Nairobi ayaa ku sii jeeday caasimadda dalka Uganda ee Kampala.
