Militariga Israa’iil ayaa rasaas ku furay kolonyo baabuur oo gargaar siday oo ka soo laabtay Waqooyiga Qaza.
Waxaa arrinkan shaaca ka qaaday agaasimaha arrimaha Hay’adda Qaramada Midoobay u qaabilsan daryeelka qaxootiga Falastiin ee UNRWA, Thomas White.
Qoraal uu soo dhigay barta X ayuu ku sheegay in hoggaamiyaha kolonyadaasi iyo kooxdiisa aynan waxyeello ka soo gaarin rasaaseynta balse in la burburiyay mid ka mid ah gawaarida.
Thomas ayaa sheegay in loo baahan yahay in aan weligood la bartilmaameedsan shaqaalaha gargaarka.
