Duqeymaha Israa’iil ayaa xalay dad Falastiiniyiin ah ku dilay magaalooyinka Khan Younis, Bureij, Jihr al-Deek, iyo Nuseirat, sida ay sheegtay wakaaladda wararka ee Falastiin ee Wafa.
Wafa ayaa sidoo kale ku warameysa in weerar kale oo Israa’iil ay ku garaacday xerada qaxootiga ee Shaboura ee bartamaha Rafah.
Khasaara dhimasho iyo dhaawac ah ayaa la soo gaarsiiyay cisbitaal ku yaal koonfurta Qaza.
Weerarada cirka ah ee Israel ayaa xalay lagu garaacay qaybo kala duwan oo Marinka Gaza ah, sida Khan Younis oo ku yaal koonfurta iyo Deir el-Balah oo ku taal bartamaha Gaza.
Ra’iisul wasaaraha Israa’iil Benjamin Netanyahu ayaa sheegay in dagaalku aanu joogsan doonin, isla markaana uu diyaar u yahay in Falastiiniyiinta ku sugan Qaza uu ku dhiirigeliyo in ay ka baxaan dhulka go’doonsan, sida ay sheegtay warbaahinta Israa’iil.
Xamaas ayaa cambaareysay hadalkaasi.
