Waxaa uu qorshuhu yahay in bisha Toddobaad ee sanadkan dowladaha Kenya iyo Ingiriiska ay iska kaashadaan marti gelinta shir weyne caalami ah oo looga hadlayo arrimaha tacliinta.
Madaxweynaha dalka Mr. Uhuru Kenyatta ayaa shaaciyay in kulankan uu qabsoomi doono 25-ka ilaa 26-ka bisha July ee 2021-ka.
Waxaa diiradda lagu saari doonaa maalgelinta ku aaddan howlaha waxbarashada.
Mr. Kenyatta ayaa xusay in la rajeynayo in shirka ka dib la helo dhaqaale dhan 5 bilyan oo doolarka Maraykanka ah.
Hoggaamiyaha dalka ayaa madaxda qaaradda Afrika iyo dowladaha kale ka codsaday in ay barnaamijkan ka qayb qaataan.
