Hoggaamiyaha xisbiga ODM Raila Odinga ayaa kalsooni kuqaba in qorsha sharci beddelka ee BBI uu wadada saxda ah kusoo laaban doono ka dib marka maxkamadda racfaanka ay go’aan kasoo saarto bisha dambe.
Shalay ayay ahayd markii madaxa maxkamadda racfaanka ee dalka Daniel Musinga u sheegay in xukunka dacwadda la xiriirta qorshaha sharci beddelka ee BBI lagu dhawaaqi doono 20-ka bisha Siddeedaad ee sanadkan.
13-kii bishii Shanaad ee sanadkan ayay ahayd markii 5 ka mid ah garsoorayaasha maxkamadda sare ee dalka ay a laaleen BBI.
Xaakinada ayaa xilligaasi sheegay in BBI lagu soo aasaasay qaab aan waafaqsanayn dastuurka dalka .
Ra’iisul wasaarihii hore ee dalka ayaa sheegay in cidna aysan joojin karin geddisocodka la doonaya in wax looga beddelo xeerarka wadanka.
Hadalkan ayuu jeediyay xilli u shalay ku sugnaa ismaamulka Nyeri ee gobolka bartamaha dalka.
