Masiibo ayaa ka dhacday deegaanka Kanyakwar ee ku yaal bartamaha Kisumu fiidnimadii xalay ka dib markii afar walaalo ah ay ku dhaceen god ay ka buuxeen biyo.
Wiilasha, oo qaar ka mid ah da’doodu u dhaxayso 14 iyo 9, ayaa la sheegay inay ku ciyaarayeen meel u dhow biyaha ka hor inta uusan shilku dhicin.
Guddoomiye xaafadeedka Kondele Maurice Ajwang ayaa xaqiijiyay in afarta meydadba markii dambe laga soo saaray godka ka dib hawlgal baaritaan ah oo la sameeyay
Dhacdadu waxay dadka deegaanka ee Kanyakwar ku reebtay argagax, iyadoo hoggaamiyeyaasha maxalliga ah ay waalidiinta iyo mas’uuliyiinta ku booriyeen inay carruurta ka fogeeyaan meelaha laga qodo dhagaxyada iyo meelaha kale ee biyaha ay ku jiraan, gaar ahaan inta lagu jiro fasaxyada dugsiga.
