Waxaa maanta oo isniin ah si rasmi ah loo bilaabi doono Wareysiyada musharaxiinta u hanqaltaagaysa jagada guddoomiyaha guddiga madaxa bannaan ee doorashooyinka iyo xuduudaha dalka ee(IEBC).
ilaa 11 musharrax ayaa lagu wadaa inay wajahaan guddiga doorashada ee kuliyada Caymiska ee xaafadda South C ee magaalada Nairobi.
IEBC ayaa waxaa loo raadinayaa hoggaan Cusub ka dib markii uu xilka ka fadhiistay Wafula Chebukati.
11-ka musharax ee isniinta maanta ka soo hormuuqday guddiga doorashada ee uu hogaamiyo Dr. Nelson Makanda, waxaa ka mid ah Abdulqadir Lorot Ramadhan, oo hore u ahaa madaxa diiwangelinta garsoorka, Anne Atieno Amadi, garsoorihii hore ee maxkamada cadaalada ee bariga Afrika, Charles Ayako Nyachae iyo Edward Katama Ngeywa.
Abdulqadir Lorot Ramadhan oo dhawaan ka soo hormuuqaday guddiga IEBC ee waraysiga la yeeshay ayaa sheegay in uu ku adagyahay daacadnimada,sido kalena ay xaaskiisa u sheegtay in uusan lacag musuqmaasuq ah la imaan guriga taasi oo saameyn karta carruurta iyo dadka kale.
Sidoo kale, Erastus Edung Ethekon, Francis Kakai Kissinger, Jacob Ngwele Muvengei iyo Joy Brenda Masinde-Mdivo ayaa la wareysan doonaa talaadada barri ah .
Lilian Wanjiku Manegene, Robert Akumu Asembo iyo Saul Simiyu Wasilwa ayaa iyaguna maalinimada arbacada ah wajihi doona guddiga doorashooyiinka ee u qaabilsan waraysiyada musharaxiinta doonaysa xilka guddoomiyaha IEBC.
