Waxaa lagu soo warramayaa in ciidamada militariga ee Israa’iil ay duqeymo ku bartilmaameedsadeen guriyo la deggan yahay oo ku yaalla Bartamaha Qaza ee dalka Falastiin.
Weerarrada ayaa si gaar ah uga dhacay xerada qaxootiga ee Nuseirat .
Galinkii dambe ee Talaadadii ayay ahayd markii ugu yaraan 4 ruux lagu dilay duqeymo dhanka cirka ahaa oo lala eegtay xeradaasi.
Barta wararka ee Quds News Network ayaa dhacdadaasi ka dib faafisay muuqaal muujinaya dhisme la burburiyay.
