Guddoomiyaha baarlamaanka dalka Moses Wetang’ula ayaa digniin culus u diray guddoomiyaasha iyo ku xigeennadooda ee guddiyada kala duwan ee golaha qaran ee xeer dejinta.
Waxaa uu sheegay inay halis ugu jiraan in guddiyadaasi ay hoggaamiyaan laga xayuubiyo haddii ay marar badan ka maqnaadaan kalfadhiyada baarlamaanka.
Wetang’ula ayaa xusay sida ay uga go’an tahay in xildhibaannada baarlamaanka ay hoggaansamaan hababka sharci dejinta, si looga baaqsado dib u dhacyada aan loo baahnayn.
Guddoomiyaha baarlamaanka waddanka ayaa ku nuuxnuuxsaday doorka muhiimka ah ee guddoomiyaasha guddiyada golaha qaran ee xeer dejinta.
Waxaa xusay inay u adeegaan isku xirka sharci dejinta iyo fulinta.
Moses Wetang’ula ayaa ku boorriyay hoggaamiyaasha guddiyada golaha qaran ee xeer dejinta inaysan ka maqnaan fadhiyada baarlamaanka.
Hadalkan ayuu ka jeediyay shir saddex cishe ah oo uu hoggaanka baarlamaanka dalka uga socda magaalada Naivasha ee ismaamulka Nakuru.
