Guddoomiyaha dalladda hoggaamiyaasha muslimiinta wadanka ee NAMLEF laanteeda ismaamulka Garissa Sheekh Xasan Cabdullahi Cameey ayaa tacsi u diray dadkii ay ehelladooda ku geeriyoodeen doontii ku qallibmatay ismaamulka Tana River.
Waxaa uu sidoo kale Alle ka baryay in ay soo badbaadaan oo iyagoo nool la helo dadka maqan ee weli la raadinaya.
Sheekh Xasan Cabdullahi Cameey ayaa dhanka kale ku baaqay in dhammaan madaxda gobolka Waqooyi Bari ay iska kaashadaan sidii wax looga qaban lahaa waddada isku xirta Nairobi iyo Garissa ee inta badan go’da marka ay roobabka da’aan.
