Afhayeen u hadlay howlgalka nabad sugidda qaramada midoobay ee dalka Mali ayaa sheegay in weerar shalay ka dhacay wadankaas ay kaga dhaawacmeen saddex sarkaal.
Olivier Salgado oo ah afhayeenka howlgalka MINUSMA ayaa sheegay in gantaal lala dhacay saldhig ku yaalla waqooyiga Mali.
Saldhigga Tessalit waxaa ku sugan ciidamada Mali , kuwa Faransiiska iyo saraakiisha nabad sugidda ee qaramada midoobay.
Afhayeenka ayaa dhaawacyada ku tilmaamay kuwo culus.
Dalka Mali waxaa tan iyo kacdoonkii sanadkii 2012-kii ku dagaalamayay ciidamada dowladda oo garab ka helaya jimciyadda qurumaha ka dhexeysa iyo fallaago.
