Wasiirka wasaaradda shaqaalaha iyo badbaadinta bulshada ee dalka Simon Chelugui ayaa sheegay in heer wanaagsan ay marayaan wada-hadallada ku aaddan xallinta tabashooyinka dhakhaatiirta.
Tani ayaa imaanaysa iyadoo weli kalkaaliyaasha iyo dhakhaatiirta isbitaallada kala duwan ka bixiya daawooyinka ay shaqo joojin ku guda jiraan.
Waxay saraakiishan dalbanayaan in la siiyo agabka la iskaga difaaco cudurka COVID-19 ee PPEs oo tayo leh, in la siiyo lacagaha gunnooyinka ee halista dhanka shaqada , in la dallacsiiyo qaar ka mid ah xubnaha ururrada KNUN iyo KUCO iyo in si buuxda loo dhaqangeliyo heshiis ay horay dowladda ula saxiixdeen oo ku saabsanaa mushaar kordhin.
Mr. Chelugui ayaa hoosta ka xarriiqay inuu rajeynayo in dhawaan heshiis la gaaro si howlwadeenada caafimaadka ay dib ugu laabtaan goobihii ay ka shaqeynayeen
Dhanka kale senatarka ismaamulka Bungoma ahna madaxa xisbiga Ford-Kenya Moses Wetangua ayaa dowladda iyo ururrrada dhakhaatiirta ugu baaqay inay xal degdeg ah ka gaaraan muran u dhexeya si culeyska looga dulqaado kenyaanka u baahan adeegyada caafimaadka.
