Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Soomaaliya Nin xaaskiisa oo xaamilo ahayd dab qabadsiiyay, maantana ku geeriyootay Muqdisho

Nin xaaskiisa oo xaamilo ahayd dab qabadsiiyay, maantana ku geeriyootay Muqdisho

Luul Cabdicasiis oo mid ahayd shaqaalaha garoonka diyaaradaha ee Aadan Cadde ee magaalada Muqdisho, ayaa u geeriyootay dhaawac ka soo gaaray dab uu qabadsiiyay seygeeda oo ay dhawaan nolasha ku midoobeen.
Luul ayaa saaka ku geeriyootay isbitaalka Digfeer ee magaalada Muqdisho, halkaas oo dhowrkii maalmood ee la soo dhaafay xaaladdeeda caafimaad lagula tacaalayay.
Seygeeda oo falkaan lagu eedeynayo ayaa la sheegay inuu baasiin ku gubay xilli ay ku sugnayd gurigeeda.
Lama oga sababta ka dambeysa falkan, inkastoo wararka qaar ay sheegayaan inay la xiriirto arrimo masayr ah.
Hay’adaha amniga weli wax war ah kama soo saarin dhacdadaan oo aad looga hadal hayo magaalada Muqdisho, iyadoo sidoo kale la sheegayo inuu baxsaday seygeeda.
Marxuumadda waxay lahayd uur lix bilood ah markii falkaan loo geysanayay.
Waxay sidoo kale ahayd hooyo kaligeed ku ahayd korinta 6 carruur ah oo agoon ah oo nin kale u dhashay.
Ninkan falkaan kula kacay ayay dhawaan is guursadeen, waxayna u lahayd uurkiisii ugu horreeyay.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments