Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Madaxweynaha dalka oo ka qayb galaya kulanka COP28

Madaxweynaha dalka oo ka qayb galaya kulanka COP28

Madaxweynaha dalka William Ruto ayaa ka qayb galaya shirka qaramada midoobay ee looga arrinsanaya saameynta isbeddelka cimillada ee (COP28) oo shalay ka furmay magaalada Dubai ee dalka Isutagga Imaaraadka Carabta.
Hoggaamiyaha ugu sarreeya wadanka ayaa gelinkii dambe ee shalay gaaray magaalada Dubai.
William Ruto ayaa ah guddoomiyaha guddiga madaxda Afrika ee isbeddelka cimillada.
Madaxeynaha dalka ayaa shirkaasi ku soo bandhigi doono farriinta Kenya iyo si guud Afrika ee wax ka qabashada isbeddelka ku yimaada cimillada.
William Ruto ayaa la filaya inuu beesha caalamka ugu baaqo inay caqabaddan xal u hesho.
Madaxweynaha sidoo kale la filaya inuu kulanka ka sheego in la sii ambaqaado hesiiskii ay madaxda Afrika ku gaareen magaalada Nairobi bishii Sagaalaad ee sanadkan ee looga arrinsaday shirka cimillada Afrika.
Mas’uuliyiin matalaya in ka badan 100 oo dowladood ayaa ka qayb galaya shirka oo socon doono ilaa 2-da bishan.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments