Madaxweynaha dalka William Ruto ayaa qoraal uu soo saaray ku xaqiijiyay inuu kulan la qaatay madaxa fulinta ee urur goboleedka IGAD ,Dr. Workneh Gebeyehu.
Kulanka ayaa ka qabsoomay xarunta madaxtooyada State House ee magaalada Nairobi.
Waxaa uu Ruto IGAD uga mahadceliyay doorkeeda ku aaddan sare u qaadidda midnimada iyo u adkeysiga dhibaatooyinka ee gobolka.
William Ruto ayaa sheegay in dowladda Kenya ay taageerayso geeddisocodka loo dhan yahay ee lagu xallinaya dagaalka ka taagan dalka Suudaan.
Waxaa uu sheegay in nidaam la isku duba riday oo laga qayb gelinaya dhammaan daneeyayaasha ay tahay fursadda ugu muhiimsan ee dib loogu soo celin karo xasiloonidii Suudaan.
Sidoo kale waxaa uu sheegay in qaabkan uu yahay mid dardargelinaya in la soo celiyo nidaamkii caadiga ahaa oo meesha laga saaro culeysyada baniaadannimo ee ka jiro dalkaasi iyo si guud gobolka.
Madaxweynaha dalka oo la kulmay madaxa IGAD
