Dowladda Kuuriyada Waqooyi ayaa sheegtay inay dalkeeda ka eryi doonto askari dhalasho ahaan ka soo jeedo Maraykanka.
Travis King ayaa loo haystaa inuu ka soo gudbay dhanka Kuuriyada Koonfureed horraantii sanadkan.
Wakaaladda wararka ee Korean Central News Agency ayaa ku warramaysa in maamullada wadankaasi ay soo gabagabeeyeen su’aallo ay waydiinayeen Travis King.
Waxaa uu qirtay inuu si sharci darro ah wadankaasi ku galay maadaama uu cuqdad ka qaaday takoor isir oo uu sheegay inuu ka dhex jiro militariga dalkiisa.
Hasa ahaate maamullada Kuuriyada Waqooyi ayaan ilaa iyo hadda shaacin xilliga askarigan ay tarxiili doonaan.
