Guddoomiyaha gobolka Hiiraan Cabdullaahi Axmad Maalin Sufuroow ayaa ka tacsiyeeyay shacabkii Soomaaliyeed ee ku nafwaayay qaraxii shalay ka dhacay magaalada Beledweyne ee xarunta gobolka Hiiraan.
Waxaa uu xusay in khasaaraha uu qaraxa gaystay aan la soo koobi karin.
Weerarkan ayuu ku eedeeyay in ka dambeeyeen kooxda Al-Shabaab.
Guddoomiyaha ayaa intaasi ku daray in dadkii lagu waayay qaraxii Beledweyne loo argudi doono.
Waxaa sidoo kale weerarkan cambaareeyay, tacsina diray madaxweyne ku xigeenka maamulka Hirshabelle Yuusuf Axmad Hagar Dabageed.
Bulshada soomaaliyeed ayuu ugu baaqay inay u midoobaan dagaalka ka dhanka ah maleeshiyaadka Al-Shabaab.
