Xildhibaanka laga soo doortay deegaan baarlamaneedka Koonfurta Wajeer Maxamad Cadow ayaa sheegay inuu bari ka yahay eedeyn uga timid dadweynaha ku nool Dadajabula oo ka tirsan deegaankaasi.
Mid ka mid ah shacabka Dadajabula ayaa sheegay inay dareemayaan in lagu gacan bidixeeyay dhaqaale dhawaan la bixiyay oo deegaannada la iskula simaya dhanka horumarka.
Hasa ahaate xildhibaanka ayaa sheegay inuunan ka qayb qaadan bixinta dhaqaalahaasi.
Sidoo kale waxaa uu ka hadlay caqabadda dhaqaale ee haysata dowladda dhexe isagoo dhanka kale soo dhaweeyay qaabka ay shacabka ula xisaabtamayaan madaxda ay soo doorteen.