Madaxweynaha dalka William Ruto ayaa sheegay in maamulkiisa ay ka go’an tahay in la isu keeno oo heshiis la dhex dhigo dhinacyada ku dagaallamaya wadanka Suudaan ee kala ah ciidamada qalabka sida iyo saraakiisha sida militariga u tababaran ee RSF.
Hoggaamiyaha wadanka ayaa muujiyay inuu diyaar u yahay sidii uu gacan uga gaysan lahaa in colaadda ka taagan Suudaan loo helo xal waara.
Arrintan ayuu ka hadlay xilli uu xarunta madaxtooyada dalka ee State House ee magaalada Nairobi uu kula kulmay Mr. Yousif Izzat oo ah ergeyga gaarka ah ee taliyaha saraakiisha sida militariga u tababaran ee RSF ee wadanka Suudaan General Maxamad Xamdaan Dagalo.
Dagaallada soo billowday 15-kii bishii Afaraad ee sanadkan ayaa si gaar ah u saameeyay caasimadda dalkaasi ee Khartoum iyo gobolka Galbeed ee Daarfuur in kastoo dhowr mar la gaaray heshiis xabad joojin ah.
Qaramada Midoobay ayaa laga soo xigtay in gudaha Suudaan ay ku barakaceen 1.2 milyan oo qof halka tirada dadka u cararay dibadda dalkaasi ay tahay in ka badan 425,000 oo qof.
Jimciyadda Qurumaha ka dhexeysa ayaa sidoo kale sheegtay in 25 milyan oo qof oo ku nool gudaha Suudaan ay u baahan yihiin badbaadin iyo gargaar baniaadannimo.
Kenya remains committed to the urgent cessation of hostilities in Sudan. We are ready to engage all the parties and offer any support towards a lasting solution.
Met Mr. Yousif Izzat, the special envoy of General Mohamed Hamdan Dagalo, leader of the RSF. State House, Nairobi. pic.twitter.com/oYefu4Ll2C
— William Samoei Ruto, PhD (@WilliamsRuto) June 3, 2023
