Saraakiisha ammaanka ee ismaamulka Nyeri ayaa gacanta ku dhigay foolasha maroodiga oo ah 52 kiilogaraam oo qiimahooda lacageed lagu qiyaasay 5.3 milyan oo shilin.
Adeegga qaran ee booliiska ee NPS ayaa arrinkan shaaca uga qaaday bayaan uu soo saaray.
Tani ayaa timid ka dib howlgal ay iska kaashadeen ciidamada booliiska iyo saraakiisha adeegga duurjoogta dalka ee KWS.
Waxaa falkan loo xiray labo eedeysanayaal oo lagu kala magacaabo Gichohi oo 45 sano jir ah iyo Wahome oo ay da’diisu tahay 50 sano.
NPS ayaa intaasi ku dartay in eedeysanayaasha maanta maxkamad la soo taagi doono si loogu soo oogo dacwad la xiriirta inay ku xadgudbeen qaybta 93-aad farqada afaraad ee xeerka ilaalinta duurjoogta.
Xeerkan ayaa la soo saaray sanadkii 2013-kii waxaa uuna mamnuucaya ugaarsiga duurjoogta iyo ka ganacsiga la xiriira.
Waxay tani ku soo beegmaysa maalmo un ka dib markii ismaamulka Laikipia lagu qabtay in ka badan 110 kiilogaraam oo foolasha maroodiga ah , falkaasi oo loo xiray hal qof.
The two suspects, Gichohi, 45 and Wahome, 50, will be arraigned in Court on 31/5/2023 for possession of wildlife trophy Contrary to Section 93(4) of the Wildlife Conservation and Management Act of 2013.
— National Police Service-Kenya (@NPSOfficial_KE) May 31, 2023