Madaxa wasiirrada ee dalka Musalia Mudavadi ayaa sheegay in hoggaamiyaasha waddamada Afrika laga doonayo inay soo dhisaan aasaas adag oo siyaasadeed si sare loogu qaado awoodda dimuqraadiyadeed iyo midda dhaqaale ee qaaradda.
Waxaa uu hoosta ka xarriiqay in la joogo xilligii ay madaxdu dardargelin lahaayeen arrimaha dastuuriga ah, u hoggaansanka nidaamka kala dambeynta iyadoo aynan jirin cid sharciga ka sarreysa.
Mudavadi ayaa arrinkan ka sheegay kulamo dooceedyo uu ku qabtay wadanka Nigeria halkaasi oo uu uga qayb galay caleema-saarka madaxweynaha cusub ee dalkaasi Bola Axmed Tinubu.
Waxaa uu intaasi ku daray in xaaladda adag ee dhaqaale ee ka jirta caalamka awgeed , in dalalka Afrika ay khatar soo wajahday.
Mudavadi ayaa xusay inay lagama maarmaan tahay in lagu dadaalo degganaansho siyaasadeed , nabadgalyada iyo joogteynta dimuqraadiyadda si dalalka Afrika ay u gaaraan horumar dhaqaale.
