Ka dib markii maamulka gobolka Banaadir u kalhore ku dhawaaqay in wixii ka dambeeya 15-ka bishan oo shalay ku beegnayd aan magaalada Muqdisho laga ogolaan doonin mooto Bajaaj aysan ku midabaysnayn A iyo B, ayuu markale maamulka amarkaasi wuxuu ku sameeyay wax ka beddel.
Wareegto xalay ay soo saareen mas’uuliyiinta maamulka gobolka Banaadir oo uu warbaahinta u aqriyay Afhayeenka maamulka gobolkan, ayuu ku sheegay in muddada ay mootooyinka ku soo midabaynayaan oo ay ku soo nidaaminayaan mulkiileyaasha loogu diray 9 cisho oo saaka ka billaabatay.
Waxaa uu digniin u diray cidkasta oo aan amarkan u hoggaamsamin, isagoo sheegay in tallaabo adag oo dhanka sharciga ah laga qaadi doono.
Sidoo kale afhaeyeenka maamulka gobolka Banaadir ayaa mulkiileyaasha mootooyinka kaga digay inay qaab suuq madow ah ku soo midabaystaan mootooyinkooda.
