Madaxweynaha dalka William Ruto ayaa sameeyay magacaabid cusub isagoo saddex qof ku soo kordhiyey golaha fulinta ee dowladda dhexe.
Ruto ayaa qareenkii hore ee dowladda dhexe Kennedy Ogeto u magacaabay la taliyihiisa dhanka sharciga.
Mr. Kanza Nzai Munyika ayuu madaxweynaha u magacaabay la taliyihiisa arrimaha siyaasadeed.
Sidoo kale madaxii hore ee xafiiska maareynta miisaaniyadda dowladda Agnes Odhiambo ayaa laga dhigay madaxa bixinta adeegyada dowladda.
Madaxa waaxda adeegga dadweynaha sidoo kalena ah madaxa shaqaalaha ee madaxtooyada dalka Felix Koskei ayaa magacaabiddan ku shaaciyey bayaan uu soo saaray.
Waxaa bayaanka ku xusan in tani looga gol-leeyahay sii xoojinta maamul wanaagga iyo bixinta adeegyada shacabka ee golaha fulinta ee dowladda.
